ཐེད་པོ།
རྒྱལ་ཀུན་བྱམས་སྙིང་ཀུན་འདུས་ངོ་བོ་རྒྱལ་མཆོག་པད་དཀར་ལེགས་འཆང་བ། །རྒྱལ་བསྟན་དྲི་མེད་ལུང་རིགས་ཀྱིས་འཛིན་རྒྱལ་བའི་སྲས་ཀྱི་ཐུ་བོ་མཆོག །རྒྱལ་ཁམས་ཀུན་ལ་བཀའ་དྲིན་ཟླ་མེད་རྒྱལ་མཚན་རྣམ་པར་བསྒྲེངས་པའི་མགོན། །རྒྱལ་མཆོག་མ་ཕམ་བསྟན་འཛིན་རྒྱ་མཚོར་སྒོ་གསུམ་མི་ཕྱེད་དད་པས་བསྙེན། །འགྲོ་རྣམས་རྣམ་མང་དུཿཁས་གཙེས་པར་མ་བཟོད་སྙིང་རྗེའི་ཤུགས་རླབས་ཀྱིས། །སྲིད་ལས་གྲོལ་ཡང་སྲིད་པའི་ཚུལ་འཆང་འདམ་གྱི་དབུས་ན་པདྨ་བཞིན། །སྟག་འཚེར་ཞེས་གྲགས་འཛིན་མའི་གཞི་རུ་མཚན་དཔེའི་དཀྱིལ་འཁོར་ཉ་གང་ཟླ། །
ལྷ་རམས་པ་བསྟན་འཛིན་བསོད་ནམས།
མཐའ་ཡས་རྒྱ་མཚོའི་རླབས་སྒྲ་རྣ་བར་སྙན། །
གྲུ་གཟིངས་ཆེ་ཆུང་དུ་མ་ལོང་ལོང་རྒྱུ། །
ཉི་འོད་བྱེ་མའི་གཟེབ་ཏུ་འཛུལ་འཛུལ་ནས། །
བྱེ་མའི་དྲོད་ཀྱིས་རྐང་པ་འབར་སྙམ་བྱེད། །
ལམ་བཟང་པོ།
འཛམ་གླིང་འཛིན་མའི་སྤོ་རུ་མངོན་འཕགས་ཤིང་། །རབ་དཀར་ཁ་བའི་རྡུལ་གྱིས་འཛིན་པའི་གནས། །རབ་མཛེས་སྒྱུ་མ་འཕྲུལ་གྱིས་བཀོད་འདྲ་བ། །ཕྱི་ནང་ལྷ་ཚོགས་འདུ་བའི་ཞིང་ས་སྟེ། །དགྲ་གཉེན་ཀུན་གྱིས་རྔམ་སེམས་མིག་བགྲད་ས། །ཕྱོགས་ཀྱི་མགྲོན་པོའི་མཛེས་སྡུག་མིག་འཕྲོག་ས། །དེ་ལས་ལྷག་པའི་ཞིང་མཆོག་མི་མངའ་བའི། །ཕ་ཡུལ་གངས་ལྗོངས་དབུས་ཀྱི་ཤར་ཕྱོགས་སུ། །རི་བོ་ཐམས་ཅད་གངས་རྫ་སྤང་འཛོམས་ས། །དེ་ལ་ནགས་ཀྱི་ཤམ་བུའི་སུལ་སྟུག་ས། །ཡར་སྐྱེས་རྩྭ་རྩི་སྨན་གྱི་དྲི་འཐུལ་ས། །མར་འབབ་ཆུ་བོ་ཁྱད་ཆོས་བརྒྱད་ལྡན་ས། །