ནགས་ལྷ་རྩོམ་སྒྲིག་ཁང་གི་འགན་འཛིན། དཀོན་མཆོག་དགའ་བ་ནི་འབྲི་རུ་རྫོང་དུ་སྐྱེས། ཆུང་དུས་ཕ་མའི་མདུན་ནས་ཀ་ཁའི་འབྲི་ཀློག་སྦྱངས་ཤིང་། བོད་ཀྱི་གསོ་བ་རིག་པ་སོགས་ལ་སློབ་སྦྱོང་བྱས། ཕྱི་ལོ་ ༢༠༠༨ ལོར་བོད་ནས་རྒྱ་གར་དུ་བཙན་བྱོལ་ལ་ཡོང་ཞིང་།
བསྟན་པ་དར་ཕྱུག་ནི་འབྲི་རུ་རྫོང་ཆགས་རྩེ་ཤང་གི་འབྲོག་སྡེ་ཆུང་ཆུང་ཞིག་ཏུ་སྐྱེས་ཞིང་ཆུང་དུས་ནས་སློབ་ཆུང་འགྲེམ་པའི་བསྐལ་བཟང་ཐོབ། དེ་རྗེས་ཕྱི་ལོ་ ༢༠༡༡ ལོར་རྒྱ་གར་དུ་འབྱོར་ཏེ་ཤེས་རབ་དགའ་ཚལ་སློབ་གླིང་དུ་སློབ་སྦྱོང་བྱེད་པའི་གོ་སྐབས་རག་པ་དང་།