ནགས་ཤོད་ལྷ་བུ།
ཤ་དང་རུས་པ་བོད་མིའི་ཤ་ཁྲག་གྲུབ། །
སེམས་དང་སྤྱོད་པ་བོད་མི་ཡི་གཤིས་ཀ་ལྡན། །
གཟུགས་དང་ལང་ཚོ་དབྱངས་ཅན་ལྷ་མོ་བཞིན། །
སྟོན་ཀའི་ཟླ་ལྟར་མཛེས་མ་ཁྱོད་ལ་བསྟོད། །
སེ་གངས་ཆུ།
བསམ་གཏན་ལྷ་མོ་ཁ་བའི་ལྗོངས་ལ་འཁྲུངས། །
བཙན་པོའི་ཁྲག་རྒྱུན་ལྷད་མེད་ལུས་ལ་ཐིམས། །
ཁ་བའི་གཟི་མདངས་ཉམས་པ་མ་བཟོད་པས། །
སེམས་ཁུང་ལ་རྒྱས་གང་ནས་མིག་ཆུ་བཞུར། །
སེ་གངས་ཆུས།
ནག་པོ་བཀྲ་ཤིས།
བོད་པ།
ནང་འཁྲུག་ལ་དགའ་བའི་མི་རིགས་འདི།
སྙིང་རྗེ་ཆེན་པོའི་དན་རྟགས་ཡིན་ནམ།
ཡ་མེས་ཆེན་པོ་རྣམས་ཀྱིས་བློ་རྩ་བརྟན་པོས་ཕྱི་ནང་གི་དམ་ཚིག་བསྲུངས།
གླིང་བཞི་ན་རྡོག་རྗེས་བཞག
ས་སྒང་མཐོ་ས་ཞིག་ནས་ལོ་ངོ་སྟོང་ཕྲག་གི་རྡོ་རིང་བཞེངས།
ཁྱོད་ཀྱི་ཨ་ཕའི་མིང་ལ་ཅི་ཟེར།